Serafina Ayastuyk 100 urte bete ditu.

Gaur egun berezia izan da Galdakaoko familia jeltzalearentzat. Gure alderdikide den Serafina Ayastuy Ormaoleak bere 100. urtebetetzea ospatu du, eta data berezi hori berarekin eta bere familiarekin partekatu nahi izan dugu.

EAJ-PNV Galdakaoko Udal Batzarreko ordezkaritza bat bere etxera gerturatu da, pertsonalki zoriondu eta alderdi osoaren izenean lore sorta bat emateko. Bisitan zehar, solasaldi atseginaz gozatzeko aukera izan dugu, bere bizitzako pasarte batzuk gogoratuz eta hurbiltasunez eta emozioz beteriko uneak partekatuz.

Serafina bere ahalegin, konpromiso eta balioekin gaur ezagutzen dugun gizartea eraikitzen lagundu duten pertsona horietako bat da. Ehun urte betetzea ezohiko gertakaria da, eta harrotasun iturri da bere familiarentzat, lagunentzat eta komunitate jeltzale osoarentzat.

EAJ-PNV Galdakaotik gure maitasun eta aitortzarik zintzoena helarazi nahi dizkiogu, bere senideen konpainiaz eta une zoriontsuz betetako egun askotan gozatzen jarrai dezan opa diogularik.

Zorionak, Serafina, eta urte askotarako! 💚🤍❤️